وارڤین – هەولێر: بۆ جاری دووەم لە ماوەی تەنیا یەك هەفتەدا، پەلاماری كەسایەتی هاوكاری (وارڤین) و كچە پێشكەشكاری بەرنامەی (خۆشترین دەنگ)، (هودا خەلیل) دەدرێت. ئەو بە "هەبوونی گرتەی سێكسی" تۆمەتبار دەكرێت، لەكاتێكدا ئەو گرتەیەی بڵاو بووەتەوە هیچ شتێكی نائاسایی تێدا نیە.

وارڤین – هەڵەبجە: لە گوندی (بامۆك)ی سەر بە شارۆچكەی هەڵەبجه تەرمی كچێكی شانزە ساڵ دۆزرایەوە و كەسوكاری بانگەشەی ئەوە دەكەن بە هۆكارێكی نادیار خۆی خنكاندووە.

وارڤین – گەرمیان: دوای (10) مانگ لە كوژرانی (نیگار رەحیم)ی شانزە ساڵ، دادگای تاوانەكان لە گەرمیان یەكەم دانیشتنی دادگایكردنی بكوژەكەی ئەنجامدا و لە دانیشتنی دادگادا ئەندامانی خێزانی (نیگار) و بكوژەكەیی و یەكێك لە مامەكانی گوتەیان لێوەرگیرا. دايك و باوك و مامى نيگار رايانگه‌ياند، بكوژه‌كه‌ په‌ركه‌مى هه‌يه‌ و ئه‌ويش گوتى: "من تاوانبار نيم".

وارڤین – نەرویژ: رۆژی (18ى ئایار)، بۆ چالاكانی ژن رۆژێكی كارەساتبار بوو، لەو رۆژەدا یەكێك لە هاوڕێ و رێبوارانی رێگەی گەیشتن بە یەكسانی پرسی ژن لە نێو ماڵەكەیدا دوای به‌رزبوونه‌وه‌ى دوكه‌ڵ له‌ ماڵه‌كه‌يدا، ژیانی لەدەستدا، ئەو چالاكە (شیلان شۆڕش)ی تەمەن (39 ساڵ) بوو، مەرگی لەناكاوی ئەو وێڕای ئەوەی هەمووانی تووشی شۆك كرد، هێندەش گوماناوی بوو.

وارڤین – سلێمانی: ئەو كوڕەی دایك و خوشك و باوكی خۆی كوشت و دواتر بە بڕیاری لێبوردنی گشتی سەرۆكی هەرێمی كوردستان ئازاد كرا، دوێنێ بە تۆمەتی رفاندن و دەستدرێژیكردنە سەر كچێك دەستگیر كرایەوە.

وارڤین – كەركووك: لەگەڕەكی رەحیماوەی شاری كەركووك و لە باخچەی ساوایانی (ئ.) لەكاتی ئاهەنگی دەرچوونی منداڵانی ئەو باخچەیە كتێبی ئاینی (ئینجیل) بەسەر منداڵاندا دابەشدەكرێت و پەروەردەش بێ ئاگایی خۆی دەردەبڕێت.

وارڤین – شارەزوور: لە ماوەی چوار مانگی سەرەتای ئەمساڵدا (126) حاڵەتی توندوتیژی دژ بە ژنان لە شارەزوور تۆمامار كراوون و بە بەراورد لەگەڵ پێنج مانگی یەكەمی ساڵی رابردوودا، ئاماری توندوتیژییەكان زیاتر بوون.

وارڤین – هەولێر: (نیسان جەعفەر) دووەم كچی بنەماڵەكەیان بوو، كە لە كۆتایی مانگی نیسانی رابردوو، لە گوندی (سفەیە)ی سەر بە شارۆچكەی (خەبات) بە خنكاوی تەرمی دۆزرایەوە و دوای لێكۆڵینەوە كەسوكاری دەڵێن، كچەكەیان "نەخۆشی دەروونی" هەبووە.